2022/2023
DÁMH AN LÉINN CHEILTIGH
CÉIM BA (HONS) SA LÉANN CEILTEACH
NFQ Level 8, Major Award
Ionas go gceadófaí do mhac léinn dul isteach ar an Scrúdú don Chéim BA (Hons) sa Léann Ceilteach ní foláir: (a) Cailíocht iontrála Dhámh na nEalaíon a bheith faighte aige/aici trí bliana ar a laghad roimhe sin; (b) Scrúdú na Chéad Bhliana Ollscoile sna hEalaíona, agus meánmharc 60% sa Ghaeilge agus in ábhar amháin eile ón liosta aitheanta, a bheith faighte aige/aici dhá bhlian ar a laghad roimhe sin; (c) Scrúdú na Dara Bliana Ollscoile sna hEalaíona a bheith faighte aige/aici bliain ar a laghad roimhe sin; (d) Freastal sásúil a bheith déanta aige/aici ar feadh dhá bhliain ar a laghad (i.e. sa dara agus sa tríú bliain), tar éis do/di cúrsaí na céad bhliana a fhreastal, ar na cúrsaí atá leagtha síos i gceann amháin de na ranna onóracha so thíos. An duine atá ag cuimhneamh ar ghabháil leis an Léann Ceilteach sa Dara agus sa Tríú Bliain ba chabhair áirithe dó an t-ábhar Celtic Civilisation a dhéanamh mar cheann de na ceithre hábhair aige/aici i nDámh na nEalaíon sa Chéad Bhliain.
Cé gur le cúrsaí an Léinn Cheiltigh a théann an chéim is i nDámh na nEalaíon a bronntar í.
ROGHANNA ONÓRACHA
Grúpa A
(i) Sean agus Meán-Ghaeilge agus Meán-Bhreatnais
(ii) Nua-Ghaeilge agus aonaid áirithe de chuid an
Léinn Dúchais
Ní gá an Bhreatnais ná an Léann
Dúchais a bheith tógtha mar ábhar sa Chéad
Bhliain ag an té a roghnóidh an grúpa so.
nó
Grúpa B
(i) Sean agus Meán-Ghaeilge agus Meán-Bhreatnais
(ii) Stair agus Seandálaíocht na hÉireann
Ní chaithfidh an Bhreatnais ná an
tSeandálaíocht a bheith déanta ag an mac
léinn sa Chéad Bhliain. Caithfidh an Stair a bheith
déanta aige/aici, áfach, agus onóracha
gnóthaithe aige/aici inti.
NA CLÁIR STAIDÉIR
Grúpa A
(i) Sean agus Meán-Ghaeilge agus Meán-Bhreatnais
An Dara Bliain
a. Bunchúrsa teangan. Téacs: Old-Irish Paradigms and
Selections from the Old-Irish Glosses (Strachan and Bergin).
b. Cúrsa litríochta: an filíocht phearsanta.
c. Staidéar téacsúil: an
scéalaíocht. Téacsaí: Scéla Mucce
Meic Dathó (Thurneysen); Serglige Con Culainn (Dillon).
Iarrfar ar gach mac léinn aiste a scríobh ar
ábhar speisialta.
d. An teangeolaíocht Cheilteach.
e. An Mheán-Bhreatnais. Téacs próis: Branwen Uerch
Lyr (Thomson).
An Triú Bliain
a. Cúrsa teangan. Téacsaí: Stories from the
Táin (Strachan and Bergin); Old-Irish Reader (Thurneysen);
téacsaí roghnaithe eile.
b. Cúrsa litríochta: stair litríocht na Gaeilge
anuas go dtí 1200 A.D.
c. Staidéar téacsúil; litríocht na
Críostaíochta. Téacsaí: The Irish Adam and
Eve Story from Saltair na Rann (Greene and Kelly); Bethu Brigte
(Ó hAodha); Féilire Oengusso Céili Dé
(Stokes) - sliocht as an bPrólog. Iarrfar ar gach mac
léinn aiste a scríobh ar ábhar speisialta.
d. Léamh lámhscríbhinní.
e. An Mheán-Bhreatnais. Téacs filíochta: The Poems
of Taliesin (I. Williams and J.E.C. Williams).
(ii) Nua-Ghaeilge agus aonaid áirithe de chuid an Léinn Dúchais
Beidh an cúrsa Nua-Ghaeilge anso ar aon dul leis siúd a tabharfar i nDámh na nEalaíon.
Is iad aonaid Bhéaloidis an Léinn Dúchais go ndéanfar staidéar orthu (dhá cheann in aghaidh na bliana).
Grúpa B
(i) Sean agus Meán-Ghaeilge agus Meán-Bhreatnais
Faoi mar a bhí thuas le Grúpa A.
(ii) Stair agus Seandálaíocht na hÉireann
De réir mar a bheidh fáil ar aonaid oiriúnacha ó Roinn Stair na hÉireann agus ó Roinn na Seandálaíochta in aon bhliain fé leith.